Жаңа бағыттың экономикалық саясаты

Франция ЭКСПО-2017 көрмесіндегі өз павильонын таныстырды (ФОТО)

Франция болашақ энергиясы саласында жеткен үздік жетістіктерін «Astana EXPO-2017» халықаралық көрмесі шеңберінде көрсетеді. Францияның Ұлттық павильоны француздардың жетекші кәсіпорындары жасаған технологиялық инновациялар көрмесі болады. Бұл туралы Астана EXPO-2017 медиа-орталығында өткен баспасөз-конференциясында Франция павильонының Бас комиссары Паскаль Лоро (M. Pascal Lorot) мәлімдеді.
Астана қаласы 22 Мамыр, 15:57

«Астанадағы EXPO-2017 көрмесінде Франция павильонына жетекші кәсіпорындарымыз Франция қамқорлығының арқасында жиналады және инновациялық технологиялар саласындағы біліміміздің, дағдыларымыз бен әлеуетіміздің көрмесі ретінде қызмет етіп, халықаралық аренадағы Францияның беделін нығайтуға көмектеседі», -деп ойлайды Паскаль Лоро.

Француз павильонының ауданы - 1084 м2, бұл EXPO-2017 көрмесіндегі ең үлкен павильондардың бірі.

«Әр уақыттарда мұнда, Францияның ірі компанияларының, стартаптарының және мемлекеттік мекемелерінің өкілдері, сонымен қатар Францияны энергетика саласындағы алып державаға айналдыруға ат салысып жүрген ғалымдар болады. Қоршаған орта мен энергоресурстарды орынды пайдалану жөніндегі агенттік (ADEME), Iter жобасы, Peugeot автокөлік компаниясы, Saint-Gobain, Syctom, Total, Veolia, Vicat компаниялары сияқты француздық танымал компаниялар павильонның серіктесі болды. Олардың мақсаты – энергия тұтынудың үнемді үлгілерін қолдану қажеттілігіне әлем халқының назарын аудару және климаттың өзгеру үрдісін баяулатуға қабілетті шешімдерді ұсыну. Бұл - қазіргі буын мен болашақ ұрпақ алдында бірінші кезекте тұрған мәселелер», - деді П.Лоро. 

Қайрат Жандыбаев 

Фото: Бауыржан Жуасбаев 





Яндекс.Метрика