Жалпыға бірдей еңбек қоғамы

ҚТЖ жазда 500 студентті жұмыспен қамтиды

«ҚТЖ» ҰК» АҚ бейінді жоғарғы оқу орнының 500-ге жуық студенті ЭКСПО-2017 халықаралық арнайы көрмесі кезінде жолаушылар пойыздары жолсерігінің көмекшісі ретінде өндірістік тәжірибеден өтіп, жолаушыларға қызмет көрсетеді, деп хабарлады «Қазақстан темір жолы» ҰК» АҚ баспасөз қызметі.
Астана қаласы22 Мамыр , 12:51

М. Тынышбаев атындағы Қазақ көлік және коммуникациялар академиясының студенттері. Олар пойыз қозғалысы кезінде жолаушыларға сапалы қызмет ету арқылы өз біліктерін шыңдайды.

«Студенттер жазғы демалыс кезінде жолаушылар шаруашылығы қызметін түпкілікті меңгеріп қана қоймай, жақсы тәжірибе жинақтайды. Сонымен қатар ел өміріндегі ерекше маңызды тарихи оқиғаға теміржолшылардың алып командасының мүшесі ретінде ЭКСПО қонақтарына қызмет етуге өзіндік үлестерін қосады»,- дейді «Жолаушылар тасымалы» АҚ басқарма төрағасы Нұрдәулет Қилыбай.

Студенттер 1-маусым мен 31 -тамыз аралығында айлық жалақы алып, әрі практикалық тәжірибе жинақтайды.

 

 




Яндекс.Метрика