Инфрақұрылымның дамуы

Астанада 11 585 пәтер пайдалануға берілді

2017 жылғы қаңтар-сәуірде тұрғын үй құрылысына бағытталған инвестициялар көлемі 36525,7 млн. теңгені құрады, деп хабарлады Астана қаласының статистика департаменті.
Астана қаласы22 Мамыр , 11:13

«2017 жылғы қаңтар-сәуірде тұрғын үй құрылысына бағытталған инвестициялар көлемі 36525,7 млн. теңгені құрады, бұл 2016 жылғы қаңтар-сәуірдегі деңгейге қатысты алғанда 88,1%. Негізгі капиталға салынған инвестициялардың жалпы көлемінде тұрғын үй құрылысында игерілген қаражаттар үлесі 18,7%-ды құрады», - делінген хабарламада.

Барлық қаржыландыру көздерінің есебінен 11585 пәтерлік тұрғын үйлер пайдалануға берілді, пайдалануға берілген тұрғын үйлердің жалпы ауданы 155 мың 966 шаршы метрді құрады, бұл 2016 жылғы қаңтар-cәуірдегі деңгейден 48,1%-ға жоғары. Жеке салушылармен жалпы ауданы 74252 шаршы метр тұрғын үйлер салынған, бұл 2016 жылғы қаңтар-сәуірге  қатысты алғанда 124,1%. Пайдалануға берілген тұрғын үйлердің жалпы көлемінде жеке тұрғын үй құрылысының үлесі  2016 жылғы қаңтар-сәуірдегі  7,7%-ға қарағанда 6,4%-ды құрады.

Елордада 2017 жылғы қаңтар-сәуірде тұрғын үйлердің жалпы ауданының 1 шаршы метрін салудың орташа нақты шығыны 149,7 мың теңгені, оның ішінде жеке салушылармен тұрғызылғаны 78,8 мың теңгені құрады.

 




Яндекс.Метрика