Өңірлер

Қазақстанда «Маңғыстау» зымыран-артиллериялық кемесі суға түсірілді

Бүгін Батыс Қазақстан облысының Орал қаласында «Зенит» Орал зауыты» АҚ жасаған «Маңғыстау» зымыран-артиллериялық кемесін суға түсіру жүзеге асырылды, деп хабарлады Қазақстан Республикасының Қорғаныс және аэроғарыш өнеркәсібі министрлігі.
Батыс Қазақстан 27 Сәуір, 16:57

«Осы оқиға бұған дейін де зауыт дайындаған катерлер мен кемелерді суға түсіру сияқты Қазақстан Республикасының Каспийдегі әскери-теңіз бөлімдерін отанымызда жасалатын қазіргі заманғы техникалық құралдармен жарақтандыру бойынша мақсаттарға қол жеткізудегі кезекті қадам болып табылады», - деп өз сөзінде атап өтті Б. Атамқұлов.

«Маңғыстау» кемесі зауыт үшін 26-шы кеме болып табылады және ол ҚР ҚК Әскери-теңіз күштерінің мұқтаждарына арналған тапсырысқа сәйкес жасалды. Осы әскери кеме – осыған ұқсас жобалардан бұрын ҚР ҚК Әскери-теңіз күштеріне жеткізілген төртінші кеме екендігін атап өткен жөн.

Алдыңғы кемелерден ерекшелігі осы кемеде ҚР Қорғаныс министрлігінің тапсырысы бойынша қару-жарақ жаңғыртылған, сондықтан ол шешетін міндеттемелердің аясы кеңейді.

«Маңғыстау» зымыран-артиллериялық кемесінің техникалық сипаттамалары қарсыластың жауынгерлік суүсті кемелерін, катерлерін және көліктерін дербес және кемемен соққы беру күштерімен өзара іс-қимылда жоюды қамтамасыз етеді. Кеме бұл үшін қажетті жылдамдығы, басқарушылығы, жүзу алшақтығы, дербестігі, экипаждың мекендеу шарттары сияқты теңізде жүзу сапасына ие.





Яндекс.Метрика