EXPO-2017

Жапония Парламентінің депутаттары ЭКСПО-2017-ге келуге ниетті

Токиода Жапон парламенттік достық лигасы Қазақстанмен кездесу өткізді, шара Қазақстан мен Жапония арасындағы қарым-қатынастың 25 жылдығына арналып отыр, деп хабарлады СІМ баспасөз қызметі.
Әлемде 30 Наурыз, 20:03

Қазіргі таңда лига  Кеңесшілер палатасы мен Парламент  өкілдерінің    40 депутатын біріктіріп отыр. Оның ішінде Жапония министрлер кабинетінің мүшелері де бар.

Қазақстанның Жапониядағы елшісі Ерлан Баударбек-Қожатаев жапондық заңгерлерді  Қазақстанның  әлеуметтік-экономикалық  және саяси  жаңалықтарымен таныстырды.

Лига төрағасы Либералды-демократиялық партияны басқарушылардың белді мүшесі Такео Кавамура Қазақстан Республикасының Президенті Нұрсұлтан Назарбаевтың  2016 жылдың  қарашасында Жапонияға жасаған  сапарының тарихилығы мен  екі ел арасындағы  саяси байланыстың оң  қарқынын атап өтті.

Жапония Парламент кеңесшілерінің арнайы комитетінің директоры Сацуки Катаяма айтып өткендей, «Қазақстан тәуелсіздік жылдары  өткізілген реформалардың тиімділігін  көрсетті, олардың аясында Жапониямен ынтымақтастық кеңейе түсті».

 Кеңес қорытындысы бойынша шараға қатысушылар   жапондық тарап Астанадағы ЭКСПО-2017 көрмесіне қатысатындығын мәлімдеді.

 





Яндекс.Метрика