Адами капитал

Қазақстанда әйелдерге арналған мобильдік қосымша пайда болады (ФОТО)

Қазақстанда әйелдерге арналған мобильдік қосымша пайда болады, деді ОКҚ брифингінде «Қазақстанның іскер әйелдері қауымдастығы» РҚҰ президенті Раушан Сәрсембаева.
Астана қаласы 14 Ақпан, 15:39

«Тәуелсіздігіміздің алғашқы жылдарынан-ақ Президентіміз Н.Ә.Назарбаев әйелдердің жағдайын жақсарту ісіне ерекше көңіл бөліп келеді.  Соның арқасында Қазақстанда әйелдердің саясатта, бизнесте және қоғамның барлық салаларында әйелдер потенциалын дамытуға барлық мүмкіндіктер жасалған», - деді Раушан Сарсенбаева.

25 жыл ішінде ҚР Парламентіндегі әйелдер өкілдігі тұрақты өсіп келеді. Бүгін Парламент Мәжілісіндегі әйелдер үлесі – 27,1%, бұл көрсеткіш шешім қабылдау деңгейіндегі әйелдер өкілдігін 30% қамтамасыз ету мақсатына жақын.

Барлық деңгейдегі мәслихаттарда әйелдер өкілдігінің деңгейі сайланған депутаттардың жалпы санының 22,2%-на жетті.

«Ел экономикасының дамуына әйелдердің қатысу үлесі артып келеді. Мәселен, соңғы 10 жылда жылдан әйел жұмыссыздығы 1,6%-ға төмендеген, бизнестегі әйелдердің үлесі 50%-ға дейін өсті. Еңбекақы төлеудегі гендерлік алшақтық 67 %-ға жетті», - деді Р.Сәрсенбаева.

Өз кезегінде, әйелдер Мемлекет басшысының барлық бастамаларының сенімді қолдаушыларына айналды, мемлекетте жүргізілетін барлық реформаларға белсенді араласып, өзіндік мемлекеттігімізді құруға маңызды үлес қосып отыр.

 

 





Яндекс.Метрика