Адами капитал

Универсиада -2017-ден қалған жиһаздар Алматының әлеуметтік мекемелеріне берілді

«Универсиада мұрасы» жобасы аясында Атлеттер ауылындағы 140 мыңнан астам тұрмыстық заттар, оргтехника, арнайы қондырғылар Алматы қаласының 500 әлеуметтік мекемелері арасында бөлінді.
Алматы қаласы 14 Ақпан, 17:18

Спортшылар үшін алынған төсектер, тоңазытқыштар,  кір жуатын машиналар, светильниктер, тумбалар, столдары, үтік тақталары, телевизорлар, медициналық қондырғылар,офистік техника - барлығы 450-ге жуық заттар қала ауруханаларына, мектептерге,  емханаларға, бала бақшаларға, колледждерге, спорт мектептеріне, жатақханаларға,  ардагерлер үйіне таратылды.

«Қала  ауруханаларында бірқатар дайындық жұмыстары жүргізілді,  материалдық –техникалық  база жақсарды, қызметкерлер ағылшын тілі курсынан өтті. Ойындар аяқталғалы бері біз Универсиаданың оң әсерін сезінудеміз. Бізге қондырғы, жиһаз, оргтехника берілді. Бұлардың барлығы келген адамдарға сапалы қызмет көрсетуге көп мүмкіндік береді. Мысалы, ота жасалған сырқаттардың тез сауығуы үшін жайлы ортопедиялық матрацтар қашанда  керек»,- делінген хабарламада.

Универсиада обьектілерін пайдалану және ұстау жөніндегі директор Сергей Апенко барлық техникаларды, жиһаздар мен қондырғыларды әлеуметтік мекемелерге тарату  туралы шешімді қала басшылығының Универсиада қарсаңында қабылдағанын айтты.

«Қала әкімдігі әлеуметтік мекемелерден қандай техника, жиһаз қажеттігі жөнінде өтінім алып, арнайы тізім жасаған болатын. Яғни, әрбір төсек, телевизор  нақтылы мекенге жеткізіліп,  дұрыс пайдаға асады», - деп хабарлады қала әкімдігі.

Алматыда Универсиада тарихында алғаш рет 5000 мың орынды Атлеттер ауылы салынды. «Универсиада мұрасы» аясында  бұл тұрғын кешені үй кезегінде т ұрғандар арасында бөлінеді, соның арқасында мегаполистегі үй кезегі 10%-ға азаяды.
 





Яндекс.Метрика