ҚР Тілдерді дамыту және қолданудың мемлекеттік бағдарламасы

ШҚО тіл орталықтарында 12 мыңнан астам адам оқудан өтті

ШҚО-да «Қазақстан Республикасында тілдерді дамыту және қолданудың 2011-2020 жылдарға арналған мемлекеттік бағдарламасын» іске асыру аясында тіл орталықтары базасында 12 мыңнан астам адам оқудан өтті. Бұл жөнінде тілдерді дамыту басқармасының басшысы Айдын Шаймарданов аппараттық жиналыс барысында хабарлады.
Шығыс Қазақстан25 Қараша , 09:17

Ол 1 млн астам пайдаланушысы бар kazcenter.kz сайтында интернет арқылы қашықтықтан оқыту мүмкіндігі ұсынылғанын атап өтті.

«Сондай-ақ,Шығыс Қазақстанның мемлекеттік органдарының құжат айналымында қазақ тілін қолдану бойынша жұмыс та орындалады. Рейтинг қорытындылары бойынша бұл үлес 94,9 % құрады», - деп атап өтті ол.

Еске сала кетейік, Қазақстан Республикасында тілдерді дамыту және қолданудың 2011-2020 жылдарға арналған мемлекеттік бағдарламасы Қазақстанда тұратын барлық этностарды сақтау кезінде ұлттық бірлікті нығайтудың маңызды факторы ретінде мемлекеттік тілдің ауқымды қолданылуын қамтамасыз ететін үйлесімді тіл саясатын жүргізуді көздейді.




Яндекс.Метрика