Инфрақұрылымның дамуы

БҚО-да жыл басынан бері 1239 жаңа ғимарат пайдалануға берілді

Батыс Қазақстанда жыл басынан бері 1239 жаңа ғимарат, оның ішінде 1157 тұрғын үй мақсатындағы нысан пайдалануға берілді, деп хабарлады облыстың статистика департаменті.
Батыс Қазақстан24 Қараша , 08:52

2016 жылғы қаңтар-қазанда орындалған құрылыс жұмыстарының көлемі 80,7 млрд.теңгені немесе 2015 жылдың қаңтар-қазан деңгейіне 109,1% құрады.

2016 жылғы қаңтар-қазанда 1239 жаңа ғимарат, оның ішінде 1157 тұрғын үй және 82 тұрғын үйге жатпайтын ғимараттар пайдалануға берілді.

2016 жылғы қаңтар-қазанда тұрғын үй құрылысына 17,0 млрд. теңге инвестиция бағытталған немесе 2015 жылғы қаңтар-қазан деңгейіне 108,1%. 
Пайдалануға берілген тұрғын үйлердің жалпы алаңы 210,0 мың шаршы метрді құрады, пайдалануға берілген тұрғын үйдің нақты көлемінің индексі 2015 жылғы қаңтар-қазан деңгейіне 118,9% құрады.

2016 жылғы қаңтар-қазанда жұртшылық қаражаты есебінен 136,0 мың шаршы метр тұрғын үйлер, республикалық бюджет қаражаты есебінен - 36,7 мың шаршы метр жалға берілетін коммуналдық тұрғын үйлер, кәсіпорындардың жеке қаражаты есебінен - 37,3 мың шаршы метр коммерциялық тұрғын үйлер пайдалануға берілді. 

Іске қосылған тұрғын үйлердің көбеюі Орал қаласында және Бөрлі, Жаңақала, Қаратөбе, Теректі, Шыңғырлау аудандарында байқалады.




Яндекс.Метрика