Халықаралық интеграция

Римде Қазақстан экономикасының күні өтті (ФОТО)

Римде Қазақстанның Италиядағы елшілігі «Festival della Diplomazia» (Дипломатия фестивалі) ұйымымен ынтымақтасып Дипломатия фестивалі аясында Қазақастан экономикасының күнін өткізді, ол Римде 2016 жылдың 20-28 қазан күндері өтіп жатыр.
Әлемде 24 Қазан, 08:53

Елшілік өкілдерімен қатар шарада «ENI» итальяндық мұнай-газ компаниясының вице-президенті Дарио Сперанца, «SIMEST» жобалық қаржыландыру мемлекеттік компаниясының институционалдық  қарым-қатынас бөлімінің жетекшісі Энрика Рубатто мен  итальяндық Лацио өңірінің сауда-өндірістік палаталарының өкілдері мен Фрозиноне провинциясының өкілдері қатысты, деп хабарлады СІМ.

Аудитория Қазақстанның  25 жыл ішінде жеткен әлеуметтік-экономикалық жетістіктерімен танысты. Елдегі инвестициялық ахуал мен «Нұрлы жол» инфрақұрылымдық дамытуды жүзеге асыру және «ЭКСПО-2017» Халықаралық мамандандырылған көрмесіне дайындық барысы туралы  танысты.

Итальяндық іскер ортаның өкілдері Қазақстанда бизнесті енгізу бойынша өз компанияларының тәжірибесімен таныстырды, Астанадағы «ЭКСПО-2017» көрмесіне қатысудағы екіжақты инвестициялық ынтымақтастық туралы айтып өтті.

Қазақстанның экономика күнін Италияның  80-ге жуық үкіметтік, іскерлік, мәдени-оқыту және ғылыми ортасы мен БАҚ тамашалады. 





Яндекс.Метрика