Басқару

Қазақстан темір жолы қайта ұйымдастырылады – ИДМ

Қазақстан Республикасы көлік жүйесінің инфрақұрылымын дамытудың және ықпалдастырудың 2020 жылға дейінгі мемлекеттік бағдарламасына және Қазақстан Республикасының 2020 жылға дейінгі Стратегиялық даму жоспарына сәйкес теміржол саласының нысаналы моделін қалыптастыру және тиісінше «Қазақстан темір жолы» ҰК» АҚ компаниялар тобын қызметтің инфрақұрылымдық және тасымал түрлерін ажырату арқылы қайта ұйымдастыру көзделген, деп хабарлады ведомствоның баспасөз қызметі.
Астана қаласы29 Қыркүйек , 19:53

Қазіргі таңда «ҚТЖ - Инфрақұрылым» АҚ бөліп шығару арқылы «Қазақстан темір жолы» ҰК» АҚ қайта ұйымдастыруды көздейтін Қазақстан Республикасы Үкіметі қаулысының жобасы дайындалды, жақын арада ол мүдделі мемлекеттік органдарға келісуге жолданатын болады.  

Осылайша, нысаналы моделі негізінде ұлттық және жеке тасымалдаушылар үшін магистралдық теміржол желісіне қолжетімділікті тең негізде қамтамасыз ететін «ҚТЖ - Инфрақұрылым» АҚ тұлғасы ретінде ұлттық инфрақұрылым операторын құру көзделген.        

«ҚТЖ - Инфрақұрылым» АҚ бөліп шығару баға конъюктурасының екпінді өзгерістеріне сәйкес тез өзгере және бейімделе алатын, сондай-ақ теміржол көлігі саласындағы қызметті тұтынушылардың сұраныстары мен қажеттіліктеріне жауап бере алатын аса икемді теміржол инфрақұрылымын құруға мүмкіндік береді.

Бұл ретте, магистралдық теміржол желісінің қызметтері реттелетін салаға жатқызылады, онда жүк және жолаушы тасымалдаушыларға ұсынылатын магистралдық теміржол желісі және жергілікті теміржол инфрақұрылымының көрсетілетін қызметтеріне тарифтерді мемлекет реттейтін болады.

 Транзиттік тасымалдарды дамыту жөніндегі мемлекеттік саясатты жүргізу шеңберінде баға қалыптастыру саясатын, жүк тасымалдау қызметтері параметрлері мен келісім шарттық талаптарын көлік логистикалық қызметтердің диверсификациялық нарығының қазіргі заманғы талаптарына сәйкес келтіру қажеттілігі туындады. ,

Қызметтің инфрақұрылымдық және тасымал түрлерін бөлу Еуропалық одақ, Австралия және Латын Америкасы елдерінде табысты іске асқан және либерализация, жеке бастамашылықты және инвестицияларды тарту арқылы қызметтердің тиімділігі мен сапасын арттыруға бағытталған теміржол жолдарының реформалаудың әлемдік үрдісі. 




Яндекс.Метрика