Халықаралық интеграция

Елордада ҚХР елшiлiгi гала-концерт өткiздi

Бейбітшілік және келісім сарайында «Қазақстанда Қытаймен танысу» бағдарламасының салтанатты ашылу құрметіне «Ұлы Жiбек жолы, ғасырлық берiк достық!» гала-концерті өттi. Iс-шараны ҚХР Мемлекеттiк кеңесi баспасөз кеңсесiнiң қолдауымен Қытай Халық Республикасының Қазақстандағы елшiлiгi ұйымдастырды.
Астана қаласы27 Тамыз , 11:34

«Қазақстанда Қытаймен танысу» гала-концертiнiң ашылуы Қытай мен Қазақстан ынтымақтастығын нығайту және достық қатынастарын iлгерiлету туралы екi мемлекет басшыларының келiсiмiн iске асыру, сондай-ақ Қазақстан Республикасы Президентiнiң Қытайға кезектi сапары алдындағы символикалық сыйлық болып табылады. Бұл өте маңызды мәнге ие», - дедi Қытай Коммунистiк партиясы Орталық комитетi насихат министрлiгiнiң вице-министрi, ҚХР Мемлекеттiк кеңесi баспасөз кеңсесi басшысының орынбасары Цуй Юинь.

Гала-концертте Қытай ұлттық өнерiнiң және мәдениетiнiң үздiк туындылары ұсынылды. Кеш қонақтары Чжэнчжоу қалалық опера және балет әртiстерiнiң ғажайып көрсетiлiмдерiн, Сычуаньск опера әртiстерiнiң және Хэнаньск опера театрының жастар тобының әсерлi қойылымдарын көрiп, ұлттық музыка туындыларын тыңдады. Чунсин қалалық опера театры 2000 жылдық тарихы бар «Ат бәйгесi» әуенiн ұсынды, ән Арху ежелгi Қытай халық аспабында орындалды. Қытай дәстүрлi мәдениетiнiң көркi – Кунг-фу өнерi кешке көрiк бердi, оны Шаолинь Тагоу әскери өнерiнiң оқушылары көрсеттi. Сондай-ақ Қытай циркi эквилибристiнiң акробатикалық көрсетiлiмi өттi. Концерт Қытай әртiстерiнiң екi ел арасындағы көршiлестiк пен берiк достықтың символы «Жасмин» әнiн ұжымдық орындауымен аяқталды.

Естерiңiзге сала кетсек, 2016 жылғы қыркүйекте ҚХР Төрағасы Си Цзиньпиннің шақыруымен ҚР Президенті Нұрсұлтан Назарбаев Қытайға ресми сапармен барады және «G20» саммитіне Еуразиялық өңірден жалғыз құрметті қонақ ретінде қатысады.




Яндекс.Метрика