EXPO-2017

Астана ЭКСПО-2017 қарсаңында Алтай аймағының жетекші туроператорларын қабылдайды

Елордаға Алтай аймағының және Барнаул қаласының туристік компаниясының өкілдері келді. Ақпараттық тур аясында қонақтар Астана қаласының көрікті жерлерін аралап, Recommended by EXPO бағдарламасы бойынша қонақ үйлерді көріп, елорданың туристік әлеуетімен танысты, деп хабарлады қала әкімдігінің ресми сайты.
Нұр-Сұлтан24 Тамыз , 10:24

«Биыл туроператорлар, БАҚ өкілдері және шетелдік қонақтарына арналған ақпараттық турлар өткіземіз. Негізінен, Қазақстанмен шекаралас қалаларға басымдық беріледі – Омбы, Қорған, Алтай аймағы, Челябі, Новосібір. Сонымен қатар, Қытай да бар», – дейді «Астана Конвеншн бюро» ЖШС туризм бөлімінің басшысы Саят Құсайынов.

Ресейлік қонақтар елорданың туристік әлеуетімен, қаланың көрікті жерлерімен, тарихымен танысып, бизнес пен туризм саласында байланыс орнатты.

«ЭКСПО-2017 қарсаңында Астанаға келгенімізге қуаныштымын. Бәріміз де тәнті болдық. Көрмеге операторларымызды жіберуге тырысамыз. Көп мемлекет қатысатын алдағы көрменің сәтті өтуіне тілектеспіз», – деді Алтай аймағы туризм қауымдастығының президенті Елена Чупина дөңгелек үстел отырысы барысында.

Жалпы, «Астана Конвеншн бюро» ЖШС Ресеймен шекаралас қалалар үшін 8 ақпараттық тур өткізбек. Мақсаты елорданы дамыту, туристік алмасу мен елорданың имиджін жақсарту, сондай-ақ, ЭКСПО-2017 көрмесін дәріптеу болып табылады.

 

 




Яндекс.Метрика