Жаңа қазақстандық патриотизм

Генерал-лейтенант Мұрат Мәйкеев – жыл әскериі

Қазақстан Республикасы Қарулы Күштері Құрлық әскерлерінің бас қолбасшысы генерал-лейтенант Мұрат Мәйкеев «Жыл таңдауы – Жыл адамы» халықаралық фестивалінің қорытындысы бойынша 2013 жылдың әскери адамы деп танылды. Генерал-лейтенант Мұрат Мәйкеев «2013 жылдың әскери адамы» номинациясындағы жеңісі үшін «Алтын адам» мүсіншесімен марапатталды, деп Қорғаныс министрлігінің баспасөз қызметі хабарлады.
Алматы қаласы28 Қараша , 13:08

«Жыл сайынғы «Жыл таңдауы – Жыл адамы» фестивалінің жеңімпаздарын марапаттау салтанаты Алматы қаласында өткізілді. Абай атындағы қазақ мемлекеттік академиялық опера және балет театрында өткен шарада 2013 жылдың түрлі саладағы үздіктерінің есімдері жарияланды. Олардың қатарында әскери, мәдениет, өнер, бизнес, медицина, спорт және тағы басқа саланың майталмандары бар», - делінген хабарламада.

Генерал-лейтенант Мұрат Мәйкеев 1959 жылғы 9 қарашада Ақтөбе қаласында туған. 1980 жылы Алматы жоғары жалпыәскери командалық  училищесін бітірген, ал 1994 жылы М.В.Фрунзе атындағы Әскери академияны тәмамдады.

Әскери қызметін мотоатқыштар полкінде  мотоатқыштар взводы командирлігінен бастады. Генерал-лейтенант Мұрат Мәйкеев әр жылдары мотоатқыштар ротасының командирі, штаб бастығы – командирдің орынбасары. Мотоатқыштар батальонының командирі, мотоатқыштар құрамасының командирі лауазымдарында болды.

 




Яндекс.Метрика