Ұлт жоспары 100 нақты қадам

А.Базарбаев: Қазақстанның нормативтік-құқықтық базасы мемлекеттік функциялардың бөлігін өзін-өзі реттейтін ортаға аударуға мүмкіндік береді

Қазақстанда мемлекеттік функцияларды өзін-өзі реттейтін ұйымдарға аударатын нормативті-құқықтық база құрылды, деп «Нұр Отан» партиясы фракциясының бастығы орынбасары Асқар Базарбаев ҚР Мәжіліс Парламентінде брифинг барысында мәлім етті.
Астана қаласы17 Мамыр , 17:32

«Заң жобасын жасаушының ойынша, қызметтін өзін-өзі реттейтін ұйымдарға беруде бізде жеткілікті нормативті-құқықтық база құрылды. Өзін-өзі реттейтін ұйымдар- бұл нақты ұйымдастыру және олар кәсіпкерлік салада жұмыс істейді және олар нақты талаптарға жауап береді, олар тұтынушылар алдында, мемлекет алдында өз қызметтері үшін жауап береді, сақтандыру қоры арқылы материалдық жауапкершілікті алады, сол себепті бұл ұйымдар белгілі бір міндеттердің жауапкершілігін қабылдайды»,-деді ол.

Қазіргі уақытта орталық және жергілікті атқарушы органдардың жұмыс тобы мемлекеттiк органдардың бәсекелес ортаға және өзiн-өзi реттеушi ұйымдарға берiлетiн функцияларға түгендеу жұмыстарын жасауда.

Баспасөз-конференциясының қатысушылары айтып өткендей, нарық дайындығының талдау сапасы көп жағдайда мемлекеттік органдармен өз қызметтері бойынша дұрыс талдау жасауына байланысты болады. Бәсекелес ортаға дайын екендіктерін анықтағаннан кейін, оларды тапсырудың жолдары анықталады: аутсорсинг, мемлекеттік тапсырыс, қызмет алушылардың немесе өзін-өзі реттеушілердің есебінен.

Осылайша, мемлекеттік орган қызметтерін аутсорсинг жолы арқылы беру туралы шешімі қабылданған жағдайда, функциялар «Мемлекеттік сатып алу туралы» ҚР Заңы аясында беріледі, ал егер мемлекеттік тапсырыс беру арқылы берілетін болса, онда бюджеттік заңнама арқылы тапсыру жоспарланған және «Мемлекеттік әлеуметтік тапсырыс туралы» ҚР Заңымен. Қызмет алушылардың немесе өзін-өзі реттеушілердің есебінен болса, функция салалық заңнама арқылы тапсырылады.

Жоғарыда айтылған шараларды іске асыру мемлекеттік қызметті қысқартуға, азаматтарды шешім қабылдауда қатысуына, өзін-өзі реттеуді дамыту мен жергілікті реттеуді дамытуға, мемлекет шығынын төмендетуге және үкіметті ықшамды етуге септігін тигізеді.

Естерінізге сала кетейік, бүгін Мәжілісте ҚР ұлттық экономика бірінші вице-министрі Марат Құсаинов 2015 жылдың 12 қарашасындағы Ұлт жоспарының 97-ші қадамын іске асыру аясында «Өзін-өзі реттеу туралы» ҚР заңы мен оған ілеспелі «ҚР кейбір заңнамалық актілеріне өзін-өзі реттеу мәселесі бойынша өзгерістер мен толықтырулар енгізу туралы» ҚР заңы қабылданғандығын мәлім етті.

Индира Қауметова




Яндекс.Метрика