Қазақстандық үлгі Тәуелсіздігіміздің игілігі

Қ.Тоқаев: Семей полигонының жабылуының 25 жылдығы – жаһандық маңызы бар дата

Сенат Төрағасы Қасым-Жомарт Тоқаевтың төрағалық етуімен Семейядролықсынақполигонының жабылуының 25 жылдығына арналған «Ядролық қарусыз әлем құру» тақырыбы бойынша халықаралық конференцияға дайындық және оны өткізу жөніндегі ұйымдастыру комитетінің алғашқы отырысы болды, деп хабарлады Сенаттың баспасөз қызметі.
Астана қаласы29 Сәуір , 18:09

Конференция әлемдік қауымдастық өкілдерінің, парламентшілер және сарапшылардың қатысуымен биыл 29 тамызда Астанада өтеді. Кеңесті аша келіп, Қ.Тоқаев: «Қарусыздану және ядролық қаруды таратпау ісіне қомақты үлес қосқан Қазақстан Президенті Нұрсұлтан Назарбаев шын мәнінде жаһандық ядролық қаруға қарсы қозғалыстың мойындалған көшбасшысы болып табылады», - деді.

Мемлекет басшысының «Әлем. ХХІ ғасыр» манифесінің негізінде ядролық қарудан толық арылу идеясы жатыр. «Семейядролықсынақполигонының жабылуының атаулы күні Қазақстан ғана емес, күллі әлем қауымдастығына жер жүзінде орнықты бейбітшілікті қалыптастырудың бірінші кезектегі маңыздылығы туралы ойлануға игі себеп болуы тиіс», - деді Сенат басшысы.

Осыған байланысты Парламенттің жоғарғы палатасының Төрағасы жиналғандарға конференцияны өткізудің мазмұндық және ұйымдастыру мәселелерін мұқият әзірлеуді тапсырды. Президент Әкімшілігі Басшысының орынбасары Бағлан Майлыбаев өз сөзінде Ұйымдастыру комитетінің мүшелерін конференция алдында тұрған міндеттермен таныстырды.

Сыртқы істер министрінің орынбасары Роман Василенко форумға әзірліктің мазмұндық және ұйымдастыру мәселелері, серіктестермен, оның ішінде халықаралық үкіметтік емес ұйымдармен өзара іс-қимыл туралы ақпаратпен таныстырды.

 




Яндекс.Метрика