Дүниежүзілік сауда ұйымына ену

В.Магась: ҚР Президенті Н.Назарбаев әлеуметтік маңызды бағдарламаларды қысқартқан жоқ

Эксклюзив
Бүгінгі жаһандық экономикалық және саяси мәселелер күрделеніп тұрған жағдайда әлемдік негізгі мықты алпауыт елдермен қарым-қатынас жасауда Қазақстан республикасының Президенті Нұрсұлтан Назарбаевтың шебер тәсілдері өте маңызды рөл атқарады. Бұған Президенттің 2015 жылдың 30-шы қарашасындағы халыққа Жолдауы дәлел бола алады. Онда барлық мәселелер кешенді түрде қарастырылған. Бұл туралы Strategy2050.kz ақпарат агенттігіне эксклюзивті сұхбат берген С.П.Корлева атындағы Житомирск әскери институтының қоғамдық ғылым кафедрасының доценті (Украина) Вячеслав Магась айтты.
Әлемде 25 Ақпан, 11:17

«Жаңа халықаралық экономикалық жағдайға байланысты ҚР Президенті Нұрсұлтан Назарбаев өзінің Қазақстан халқына Жолдауында көптеген мемлекеттер мақұлдайтын «көрпеге қарап көсілу» қағидасын атап өтті. Бұл қағида бюджет саясатын дұрыс үйлестіруге, шығынды азайтып, кірісті арттыруға, шағын және орта бизнеске жаңаша жағдай жасауға, қаржы институттарын сауықтыруға мол мүмкіндік береді. ҚР Президенті Н.Назарбаев шығынды оңтайландыруға қарамастан, әлеуметтік маңызды бағдарламаларды қысқартқан жоқ. Керісінше, жаңа әлеуметтік саясатты қалыптастырды, еңбекақы мен әлеуметтік жәрдемақыларды көбейтті. Соның ішінде халықтың әлеуметтік қорғалмаған топтарына ерекше назар аударып отыр»,-деп атап өтті украиндық ғалым.

Оның айтуынша, біздің республика әлеуметтік бағдарламаларды сәтті жүзеге асырғаннан бөлек, жаңаша мүмкіндіктер туғызуда көшбасшылық жасап келеді. Шетелдік сарапшы Қазақстанның Бүкіләлемдік сауда ұйымына кіруін маңызды жетістік деп есептейді.

«Қазақстанның дамуы үшін жаңа жағдайлар жасау мақсатында тиімді жекеменшік иелерін қалыптастыруды қолға алып отыр. Осы арқылы мемлекет экономиканы кең масштабты жекешелендіру мен ырықтандыру бағытында жүріп келеді. Президент өз Жолдауында қазақстандық көшбасшы кәсіпкерлерді өз қаржыларын жекешелендіру мен ресмилендіруге белсенді атсалысуға шақырды. Бұл Қазақстан республикасы үкіметінің және Н.Назарбаевтың жеке көпжылдық дипломатиялық жұмысының сыртқы саясаттағы жемісті нәтижесі»,-деді В.Магась.

Еске сала кетейік, 2015-ші жылдың 30-шы қарашасында Президент Н.Назарбаев Қазақстан халқына «Өсім, реформа және даму» атты Жолдауын жариялаған болатын.

Данияр Қасымов 





Яндекс.Метрика