Инновациялар

Астанада 25 ақпанда жаңа 21 жылдамдық өлшеу құралы іске қосылады

25 ақпаннан бастап Астанада көлік құралдарының жылдамдығын өлшейтін жаңа 21 «Вокорд-Циклоп» кешені іске қосылады. Бұл туралы бүгін баспасөз мәслихатында Астана қаласы ІІД ӘПБ электрондық қызметтерді автоматтандыру бөлімінің басшысы Нұржан Әділов айтты.
Астана қаласы23 Ақпан , 16:08

Жылдамдық өлшейтін жаңа кешендер «Қауіпсіз қала» жобасы аясында қала көшелеріне орнатылып отыр.

«Вокорд» кешендері қаланың апат көп болатын учаскелерінде жүргізілген талдауға сәйкес мына жол аумақтарына қойылды:

1. Екі кешен Қорғалжын тас жолындағы тазарту құрылғыларына қарама-қарсы жерде;

2. Бес кешен Сығанақ көшесінің бойында (көшенің бас жағында жəне Орынбор көшесімен қиылысатын жерде);

3. Екі жылдамдық өлшеу құралы Тұран даңғылында (Ұлттық қорғаныс университетіне қарсы);

4. Екі кешен қаладан оңтүстік бағытта шыға берістегі «Қарқаралы» тас жолының бойында («Garden Village» қалашығына қарсы бетте);

5. Екі кешен Керей мен Жəнібек хандар көшесі бойынша  «Саранда» тұрғын үй кешеніне қарсы аумақта;

6. Алты жылдамдық өлшегіш құрал «Астана-Қарағанды» тас жолының бойында орналасқан «Метро» сауда орталығына қарама-қарсы аймақта, айналма көпір мен Мичурино ауылы арасында;

7. Екі жылдамдық өлшеу құралы Байырқөм көшесіндегі көкөніс базасына қарсы бетте орналастырылды.




Яндекс.Метрика