Басқару

ҚР Мемлекеттік хатшысы Мемлекеттік рәміздер жөніндегі республикалық комиссияның кезекті отырысын өткізді

Қазақстан Республикасының Мемлекеттік хатшысы Гүлшара Әбдіқалықованың төрағалығымен Мемлекеттік рәміздер жөніндегі республикалық комиссияның кезекті отырысы өтті, деп хабарлады Ақорданың баспасөз қызметі.
Астана қаласы27 Қараша , 19:24

Мемлекеттік хатшы отырысты аша отырып, қазақстандық патриотизм және халық бірлігі Мемлекет басшысы ұсынған бес институционалдық реформаны, сондай-ақ «100 нақты қадамды» табысты жүзеге асырудың маңызды факторы екенін атап өтті. Қазақстандық патриотизм ең алдымен Отанға деген сүйіспеншіліктің, мемлекеттік рәміздерге деген құрметтің негізінде қалыптасады. 

Комиссия отырысында Инвестициялар және даму министрлігінің, сондай-ақ Қызылорда, Қостанай, Павлодар, Ақтөбе облыстары әкімдерінің есептері тыңдалды. Комиссия мүшелері бұл орталық және жергілікті мемлекеттік органдардың идеологиялық тұрғыдан маңызды осы жұмыстарына терең әрі жан-жақты талдау жасады.

Мемлекеттік рәміздер туралы заңнамалардың бұзылуына жол бермеу, соның ішінде үнемі ішкі бақылауды қамтамасыз ету, құқықтық қолдану тәжірибесін жаңғырту, сондай-ақ мемлекеттік рәміздерді қолдану және насихаттау саласын бақылауды күшейту мәселелеріне уәкілетті мемлекеттік органдар басшыларының назары аударылды.

Отырыс қорытындысы бойынша нақты тапсырмалар мен ұсыныстар берілді.

 




Яндекс.Метрика