Өңірлер

Алматы облысының Ақши демалыс аймақтарына 98,2 шақырым электр желісі тартылды

Алматы облысында Балқаш және Алакөл көлдерінің жағалауында демалыс және сауықтыру туризімін дамытуға үлкен көңіл бөлінуде. Бұл туралы Алматы облыстық туризм басқармасының басшысы Жанар Алчимбаева хабарлады.
Алматы27 Қараша , 08:56

Ж. Алчимбаеваның мәлімдеуінше, «Бизнестің жол картасы 2020» бағдарламасы аясында 2014-2015 жылдары Ақши ауылының маңындағы демалыс аймақтарына дейін 98,2 шақырым электр желілері тартылған. Жобаға республикалық бюджеттен 552 млн. теңге бөлінген.

Осы жылы Ақши ауылынан Алакөл маңындағы демалыс аймақтарына дейінгі жол құрылысының жобалық-сметалық құжаттарын әзірлеуге жергілікті бюджеттен 21,0 млн. теңге қарастырылды. Сонымен қатар Алакөлдің жағалауында демалушылар мен туристерді жаз мезгілінде осы орындарға жеткізу мақсатында «Алматы-Достық-Жетіген» теміржол бағытында поезд қатынауда.

Туристік өнімдерді кеңінен насихаттау мақсатында облыстық басшылық Қазақстандық және Халықаралық туристік көрмелер мен жәрмеңкелерге қатысып жүр. Сонымен қатар«Аlmatyregion-tour.kz» геоақпараттық интернет-порталы да іске қосылған. Онда туристік бизнес және бұқаралық ақпарат құралдарының өкілдеріне ақпараттық – таныстыру турлары  өткізіліп тұрады.

 




Яндекс.Метрика