Президент тапсырмаларының орындалуы

Елбасының тапсырмаларын орындау мақсатында жыл соңына дейін 46 іс-шара жүзеге асырылады-Ерболат Досаев

Мемлекет Басшысының тапсырмасын орындау бойынша Іс-шаралар жоспары аясында 2013 жылдың соңына дейін 46 іс-шара жүзеге асырылады. Бұл жайлы Экономика және бюджеттік жоспарлау министрі Ерболат Досаев ҚР Үкіметі отырысында мәлімдеді, деп хабарлайды ҚР Премьер-министрдің ресми сайты.
Нұр-Сұлтан05 Қараша , 11:00

«Мемлекет басшысының тапсырмасын орындау мақсатында ҚР Үкіметі 70 шараны орындау жоспары қабылданды.

 «2013 жылдың аяғына дейін 46 іс-шараны, ал 2014 жылы 22 іс-шараны іске асыру көзделген. Бұл ретте, 2 іс-шара бюджеттік заңнаманы жетілдіру мәселелері жөніндегі Заңды қабылдағаннан кейін екі ай мерзімінде іске асырылатын болады», - деді Е. Досаев.

Сонымен, ведомство ағымдағы жылдың соңына дейін Үкіметке мемлекеттік және салалық бағдарламаларды қаржыландырудың басымдығы және оларды оңтайландыру жөнінде; экономика және бюджеттік жоспарлау министрлігі мен өңірлік даму министрлігі арасындағы өкілеттіктердің аражігін нақты ажырату бойынша; жергілікті атқарушы органдар қызметін бағалаудың есептілігін және көрсеткіштері санын оңтайландыру жөнінде; мемлекеттік бюджет есебінен қаржыландырылатын жобалардың жобалық-сметалық құжаттамасын әзірлеу, сараптау және бекіту тәртібін, оны жүзеге асыруды бақылауды жетілдіру және басқа да іс-шаралар жөнінде ұсыныстарды енгізуді жоспарлап отыр.

Оның айтуынша, іс-шаралар жоспары 70 іс-шарадан тұрады, солардың аясында төрт нормативтік-құқықтық акті жобасын әзірлеу көзделген. Олардың ішінде «Мемлекеттік органдарда сатып алуларды өткізу бойынша конкурстық комиссияларды төрағалары етіп тиісті бірінші басшыларды тағайындауды қамтамасыз ету туралы», «Қолданыстағы заңнамаға мемлекеттік сатып алулар қорытындыларына шағымдану рәсімін жетілдіру бөлігінде өзгерістер енгізу туралы» және басқа да құжаттар бар.

Министр айтып өткендей, жоспардың көптеген іс-шаралары Экономика және бюджеттік жоспарлау министрлігіне, Өңірлік даму министрлігіне, Қаржы министрлігіне, Индустрия және жаңа технологиялар министрлігіне бекітілген.

 

 




Яндекс.Метрика