Мәдениетті жаңғырту

Италиядан «Кодекс куманикус» жазбасының электронды нұсқасы елімізге жетті

ҚР Президенті жанындағы Орталық коммуникациялар қызметінде өткен кезекті брифингте Мәдениет және спорт министрі Арыстанбек Мұхамедиұлы Дешті Қыпшақ дәуіріне жататын құнды жазбалардың бірі – «Кодекс куманикус» жазбасының электронды нұсқасын елімізге алдырғанымыз үлкен жетістік ретінде бағаланатындығын атап өтті.
Астана қаласы26 Қазан , 13:24

«Мәдениет және спорт министрлігі мен Италияның Мұрағат комитеті арасындағы бекітілген келісімге сәйкес, екі ел арасында бұрын-соңды болмаған игі бастамалар қошға алынуда. Соның бір парасы көне жазбаларға байланысты. Мысалы, біз жуырда ғана елімізге Дешті Қыпшақ кезеңінде жазылған «Кодекс куманикус» шығармасының түпнұсқаға жақын түрі Италия мұрағатында жатқанын біліп, оның электронды нұсқасын Қазақстанға алып келдік. Енді соның негізінде арнайы кітап етіп басып шығаруды ойластырып отырмыз», - деді министр.

Министр сонымен қатар, Италия мен Қазақстан арасында көне замандарға тиесілі құнды деректердің елге жеткізіліп, қазақ тілінде басып шығару ісінде бірнеше бағыттар бойынша жұмыстар жүргізіліп жатқандығын айтты. 

Анар Тәңірқұлова

 

 

 




Яндекс.Метрика