Адамзаттық капитал

«Мерейлі отбасы»: Мусиндердің әулетінде 36 немере мен 20 шөбере тәрбиеленуде

Қарағанды облысы Ұлытау ауданына шыққан Мусиндер әулеті «Мерейлі отбасы» ұлттық байқауына қатысуда.
Қарағанды27 Тамыз , 10:06

Оразалы мен Камила Мусиндердің жасы 72  келген. Олар бірге 55 жыл өмір сүріп, 10 баланы тәрбиелеп өсірді. Бүгінде үлкен әулетте 36 немере мен 20 шөбере тәрбиеленуде. Отбасының тұңғышы, үлкен қыз 53 жаста, кенше ұл студент болса, ең кішкентай шөбере 1 жасқа әлі толмаған.

Отағасы Оразалы Мусин 1944 жылы 5 мамырда Шеңбер ауылында дүниеге келген.

1960-жылы өз ауылының тумасы Камила Кулаловамен отбасын құрады. Ал, 1962 жылы Оразалы Мусин механизатор мамандығын алады.

Жас отбасында бірінен соң бірі балалар өмірге келеді.

«Бүгінде анамыз үйде отырады, зейнетке шыққан,  немерелері мен шөберелерін тәрбиелеуде. Ал, біз ағайындылар 10. Өзім Қарағандыда тұрамын, ал қалған бауырларым Жезқазған, Сатпаев пен Шеңбер ауылдық округінде тұрады. Әр қайсымымыздық қызметіміміздің саласы әртүрлі, алайда ата-аналарымызды ешқашан ұмытқан емеспіз. Қолымыздан келгенше оларға қамқорлық танытып отырамыз», - деп хабарлады отбасының үлкен қызы Таслима Мусина.

Бүгінде Оразалы Мусин асыл жарымен бірге балаларының жеткен жетістіктеріне қуанып отырады. Олар бірге 36 немере және 26 шөберені тәрбиелеуде. 2010 жылы Мусиндер алтын тойларын атап өтті.

Айта кетерлік жайт, Камила Кулалова 1984 жылы «Батыр ана» медалімен марапатталды, сонымен қатар, оған «Алтын алқада» берілген.

1995 жылы әкесі ұлдарымен бірге қыстақта «Қызылшын» құрды, бұл Шеңбер ауылдық округіндегі «Қазыбек» шаруа қожалығы. Мусиндер қайырымдылық шараларын өткізуменде танылған. Айта кетерлік жайт, Оразалы Мусин  2008 жылдан бастап жергілікті ауылдық мешіттің имамы болып келеді.

Қорытындылай келе Мусиндер отбасы заманауи қазақстандық отбасының жарқын үлгісі дей сенімді айтуға болады.

Индира Кауметова




Дерекнама

Яндекс.Метрика