Өңірлер

ШҚО-да бал фестивалінде сатылымға 61 тоннаға жуық бал өнімі қойылады

2015 жылы 30 тамыз күні Өскемен қаласында бал фестивалінде ШҚО, Алматы, Павлодар облыстарынан жалпы саны 120 омарташы қатысып, 61 тоннаға жуық бал өнімі сатылымға қойылады, деп хабарлады ШҚО ақпараттық орталығы.
Шығыс Қазақстан25 Тамыз , 20:24

ШҚО Ауыл шаруашылығы басқармасында мәлім еткендей, шара қорытындысы бойынша, қатысушылар марапатталып, үздік омарташы анықталады.

Өскемен қаласының орталық алаңына бірнеше шатыр құрылып,  төмен бағамен, балауыз, балтозаң сынды бал өнімдерін төмен бағамен сатып алуға болады. Арнайы құрылған комиссия бал сапасына, сатып алушыларға көрсетілген қызмет сапасына және тағы басқа талаптарға қарай отырып, жеңімпазды анықтайды.

Сонымен қатар, фестиваль барысында «Алтай табиғатының сыйы» атты жәрмеңке өтіп, табиғи, сапалы көкөніс, жеміс-жидек, емдік шипалы шөп, тосап сатылымға қойылады. 

Орталық алаңда түрлі сайыстар, ойындар, концерттік бағдарламалар ұйымдастырылады. Ал солжағалау кешенінде «ШҚО омарта шаруашылығының мәселелері және болашағы» атты дөңгелек үстелі өтеді. 

Айта кетсек, Өскемен қаласында бал фестивалін өткізу дәстүрі осыдан 15 жыл бұрын басталған. Бүгінгі күні республика бойынша балдың 72 %-ы ШҚО-да өндіріледі.




Дерекнама

Яндекс.Метрика