Инфрақұрылымның дамуы

Алматы облысында 280 орынға есептелген жаңа балабақша ашылды

Еңбекшіқазақ ауданындағы «Айжан» балабақшасы бүгін өзінің алғашқы тәрбиеленушілерін қабылдады. Балабақшаның ашылу салтанатына Алматы облысының әкімі Амандық Баталов қатысты, деп хабарлады аймақ әкімдігінің баспасөз қызметі.
Алматы24 Тамыз , 19:47

Аталып өткендей, 2013 жылы басталған «Айжан» балабақшасының құрылысына 567,829 млн. теңге бөлінген. Мекемеде музыкалық және спорттық залдар, әдістемелік және медициналық кабинеттер, психолог, өзін-өзі тану, қазақ тілі бөлмелері, асхана бар. Мұнда балалардың жан-жақты дамуына барлық жағдай жасалған.

«Мемлекет басшысы Нұрсұлтан Әбішұлы Назарбаевтың мектепке дейінгі тәрбиемен қамту туралы тапсырмасына сәйкес облыста биылғы жылы 92 балабақша және 17 шағын орталықтар ашу жоспарланған. Бұл өз кезегінде балабақшамен қамту деңгейін 77,3 % көтеруге мүмкіндік береді. Бүгінгі жаңа балабақша 280 балдырғанды қабылдап отыр. Бұл аса маңызды және қуанышты жайт», -  деді аймақ басшысы Амандық Баталов.




Яндекс.Метрика