Өңірлер

Теңгемен орналастырылған банкаралық депозиттердің көлемі 11,8%-ға ұлғайды – ҚР Ұлттық банк

2015 жылғы мамырдың соңындағы жағдай бойынша орналастырылған банкаралық депозиттердің жалпы көлемі баламасында 3001,6 млрд. теңгені құрады, деп хабарлады ҚР Ұлттық банктің баспасөз қызметі.
Казахстан23 Маусым , 08:53

«Теңгемен орналастырылған банкаралық депозиттердің көлемі 11,8%-ға ұлғайып, 103,1 млрд. теңге (орналастырылған депозиттердің жалпы көлемінің 3,4%) болды. Бұл ретте теңгемен орналастырылған банкаралық депозиттер бойынша орташа алынған сыйақы мөлшерлемесі 2015 жылғы мамырда 8,59% болды», - делінген хабарламада.

Доллармен орналастырылған депозиттердің көлемі 2015 жылғы сәуірмен салыстырғанда 15,1 млрд. АҚШ долларын (орналастырылған депозиттердің жалпы көлемінің 93,3%-ын) құрады. АҚШ долларымен орналастырылған депозиттер бойынша орташа алынған сыйақы мөлшерлемесі 0,11% болды. Ресей рублімен және еуромен орналастырылған депозиттердің көлемі шамалы болды – орналастырылған депозиттердің жалпы көлемінің тиісінше 3,2%-ы және 0,1%-ы.

Шетел валютасымен банкаралық депозиттердің үлесі орналастырылған депозиттердің жалпы көлемінің 96,6%-ы болды. Шетел валютасында резидент емес банктерде орналастырылған депозиттердің үлесі орналастырылған банкаралық депозиттердің жалпы көлемінің 95,4%-ын құрады.

Ұлттық Банк банктерден тартқан депозиттердің көлемі 2015 жылғы сәуірмен салыстырғанда 2015 жылғы мамырдың соңындағы жағдай бойынша 13,7%-ға ұлғайып, 48,7 млрд. теңгені құрады.

 

 

 




Яндекс.Метрика