Үкімет

Б.Сағынтаев стратегиялық және бағдарламалық құжаттардың атқарылуы бойынша мәжіліс өткізді

Премьер-Министрдің бірінші орынбасары Батықжан Сағынтаев 2014 жылы стратегиялық және бағдарламалық құжаттардың атқарылуы бойынша мәжіліс өткізді, деп хабарлайды ҚР Премьер-Министрінің баспасөз қызметі.
Астана қаласы30 Мамыр , 14:42

Қазақстан Президенті Нұрсұлтан Назарбаев стратегиялық және бағдарламалық құжаттар бойынша атқарылмай қалған істерге талдау жүргізіп, жоспарлардың орындалуына кедергі келтірген, кінәлі адамдарды жауапқа тарту және бағдарламаларды қысқарту туралы тапсырма берді.   

Мәжілісте нәтижеге негізделген Мемлекеттік жоспарлау жүйесін жетілдіру тұжырымдамасы, Қазақстанның әлемнің ең дамыған елдерінің қатарына кіруінің тұжырымдамасы, Ұлттық қордың қаржысын қалыптастыру мен жұмсау тұжырымдамасы, Дамуды ресми қолдау саласындағы тұжырымдама, Жаңа бюджет саясатының тұжырымдамасы, Көлік инфрақұрылымы жүйесінің 2020 жылдарға дейінгі дамуы мен интеграциялануы мемлекеттік бағдарламасы, «Ақпаратты Қазақстан -2020» және Инновациялық даму тұжырымдамасы сияқты бағдарламалар қаралғаны айтылған. .    

«Сонымен қатар, 2014-2020 жылдарды қамтитын Қазақстанның сур ресурстарын басқару мемлекеттік бағдарламасы, Қазақстанның «жасыл» экономикаға көшу тұжырымдамасы, 2011-2020 жылдарға арналған білім беруді дамыту, 2011-2015 жылдарды қамтитын денсаулық сақтауды дамыту мемлекеттік бағдарламалары мен «Саламатты Қазақстан», 2011-2020 жылдардағы тілдерді дамыту мен қызмет ету, 2014-2020 жылдарға арналған құқық қорғау жүйесін одан әрі жаңғырту бағдарламалары мен 2010-2020 жылдарға арналған құқықтық саясат тұжырымдамасы сияқты құжаттар да қаралды»,-делінген хабарламада.   

Мәжіліс қорытындысы бойынша Бақытжан Сағынтаев маусымның 1-не дейін бағдарламалық құжаттар бойынша іс-шаралардың атқарылуына кедергі келтірген адамдарды жауапқа тарту туралы ақпараттарды Үкіметке ұсыну туралы тапсырма берді.  

 

 




Яндекс.Метрика