Адами капитал

Қазақстанда Халықаралық балаларды қорғау күніне орай республикалық акция өтіп жатыр

Қазақстанда 20-мамыр мен 20-маусым аралығында «Қазақстан балалары – Нұрлы жолмен» атты республикалық акция өтуде. Ол Халықаралық балаларды қорғау күніне арналған, деді Білім және ғылым министрлігінің Балалардың құқықтарын қорғау комитетінің төрайымы Забира Оразалиева Орталық коммуникациялар қызметінде өткен баспасөз мәслихатында.
Астана қаласы29 Мамыр , 18:36

«Ұлт Көшбасшысы, еліміздің Президенті қазақ жерінде туылған әрбір баланың құқын қорғау міндетін қойды. Осыған қарай жыл бойына іс-шаралар өткізілуде, жергілікті атқарушы органдарға әрбір баланың өзіне деген қамқорлықты сезінуі үшін барлық қажетті шараларды қарастыру міндеті жүктелді. Барлық жергілікті атқарушы органдар балаларды мерекеге тартып қана қоймай, олардың өмірлік мәселелелерін де шешу бағытында да жмыстар істеуде. Осылайша 20-мамыр мен 20-маусым аралығында «Қазақстан балалары Нұрлы жолмен» атты республикалық акция өткізілуде»,-деді З.Оразалиева.

Оның сөзінше, Мемлекет басшысының балалардың құқықтарын қорғау тапсырмасына сәйкес, «Қазақстан-2050» Стратегиясындағы әлеуметтік саясаттың басым бағыты балаларды қорғауға бағытталған. «Біздің елімізде кәмелетке толмаған 5 миллион бала бар, олардың 2,5 миллионы мектепке дейінгі жастағы балалар, 2,5 миллионы мектеп жасындағы балалар, 300 мың кәмелетке толмаған студенттер бар»,-деді комитет төрайымы.    

Республикалық акицяның мақсаты мемлекеттік құрылымдар мен қоғамдық, үкіметтік емес ұйымдардың, бизнес орта мен бұқаралық ақпарат құралдарының өкілдерін еліміздегі балалардың өмірінің сапасын арттыру, балалардың мүдделері мен құқықтарын орталық және жергілікті деңгейдегі мемлекеттік саясаттың басым бағытына айналдыру, әрбір баланың құқын қорғау жұмыстарын насихаттау, балалардың құқықтарын қорғау ісіне қолғабыс ету болып табылады.  

Конституцияның 20 жылдығында Халықаралық балалардың құықтарын қорғау мерекесін кең ауқымда атап өту, балаға деген қамқорлықтың мемлекеттік саясаттың басты бағыты екендігінің айқын көрінісі. Қазақстанның БҰҰ-ның мүшесі ретінде аталмыш ұйымның балалардың құқықтарына қатысты Конвенциясын іс жүзінде жүзеге асыруда.

Индира Кауметова

 




Яндекс.Метрика