Адами капитал

Қазақстанның 800-ден астам жас буын өкілі алғашқы әскери-патриоттық жиынға қатысады (Фото)

Ағымдағы жылғы маусымда тұңғыш рет Қазақстанда Қарағанды облысының «Спасск» оқу-жаттығу орталығының базасында «Айбын» жастардың республикалық әскери-патриоттық жиыны өтеді, деп хабарлады Қорғаныс министрлігі.
Қарағанды 28 Мамыр, 10:58

«Шараға еліміздің барлық аймағынан 800-ден астам жас буын өкілі қатысады. Жастар мен жасөспірімдерге әскери-патриоттық тәрбие беру, әскери қызметтің имиджін арттыру және дене даярлығы мен спортты насихаттау өскелең ұрпақ тәрбиесіндегі басым бағыттар болып табылады», - делінген хабарламада.

Жастардың бойында өзінің Отанын қорғауға дайын жоғары патриоттық сезімдері мен адамгершілік қасиеттері қалыптасуы тиіс. Осы мақсатта түңғыш рет Қазақстанда республикалық әскери-патриоттық жиынға әскери-патриоттық клубтар, спорттың әскери қолданбалы түрлері бойынша облыстық және қалалық сайыстардың жеңімпаздары, республикалық әскери мектеп интернаттарының (Алматы, Қарағанды, Шымкнет, Семей, Павлодар, Ақтөбе қалалары), «Жас ұлан» республикалық мектебі мен «Арыстан» лицейінің тәрбиеленушілері, жоғары оқу орындары әскери кафедраларының студенттері қатысады.

 Әскери-патриоттық жиынға жас жеткіншектермен қатар қыздар да қатысады. Сайыс бағдарламасына жастардың дене даярлығын айқындайтын негізгі күштік жаттығулар мен спорттың әскери-қолданбалы түрлері бойынша жарыстар енгізілген. Жарыс бағдарламасына белтемірге тартылу, 100 метрде АК-74-тен оқ ату, пневматикалық винтовкадан ату, газтұмшаны кию, сондай-ақ әскери-медициналық дайындық: бастапқы тануды салу, жаралыны эвакуациялау.

Бұл жарыстар тәрбиеленушілердің жан-жақты дамуын жетілдіру, олардың дене даярлығын және әскери қызметке дайындау үшін моральдық-психологиялық қасиеттерін арттыру мақсатында өткізіледі.
 





Яндекс.Метрика