Қазақстан Республикасының 2015-2019 жылдарға арналған индустриялық-инновациялық даму мемлекеттік бағдарламасы

Жамбыл облысында химиялық кешен салынады

ЕуроХим компаниясы ағымдағы жылы Жамбыл облысында Минералды тыңайтқыштар өндірісі бойынша химиялық кешен құрылысын бастамақ, деп хабарлады Инвестициялар және даму министрлігі.
Жамбыл28 Сәуір , 16:23

ҚР Инвестициялар және даму министрі Әсет Исекешев және «ЕуроХим» МХК» АҚ Бас директоры Дмитрий Стрежнев «Жамбыл обылысында  жылына 1 млн. тоннадан кем емес көлемде минералды тыңайтқыштар өндірісі бойынша зауыт құрылысы» жобасын іске асыру барысын талқылады.

Д.Стрежневтің айтуы бойынша, компания жобаның бірінші кезеңін – ұсақтау және бөлшектеуді қоса, тау-кен кешені құрылысын табысты іске асыруда. Бірінші кезең бойынша карьер жанындағы өнеркәсіптік алаң бойынша құрылыс-жөндеу жұмыстары аяқталды, инфрақұрылымы бар АБК жөнделді және іске қосылды, байыту кешенінің бірінші кезекті объектілерінің құрылысы басталды (бөлшектеу және құрғақ ұсақтау),  пайдалануға беру ү.ж. қыркүйегіне жоспарлануда.

Екінші кезең – Жаңатас қ. фосфатты қайта өңдеу Химиялық кешенінің құрылысы бойынша – компания химиялық кешенді жобалауды аяқтады, ағымдағы жылдың  3 тоқсанында  жобаны мемлекеттік сараптамаға тапсыру және ағымдағы жылы Химиялық кешен объектілері құрылысын бастау жоспарлануда.

ХК құрылысын 2018 жылы аяқтау жоспарлануда. Химиялық кешен 300 мың тонна NPK тыңайтқыштарын; 600 мың. тонна калий сульфатын; 660 мың тонна фосфат дикальциясы; 1 200 мың тонна гипс; 390 мың тонна кальций хлоридін және 120 мың тонна магний сульфатын өндіреді.




Дерекнама

Яндекс.Метрика