Сайлау-2015

Қазақстан Президентінің сайлауы заңбұзушылықсыз өтуде - Мельдешов

Қазақстан Республикасы Президентінің сайлауы заң бұзушылықсыз өтіп жатыр, деді Қазақстан Республикасы Орталық сайлау комсиссиясының хатшысы Бақыт Мельдешов.
Астана қаласы26 Сәуір , 09:37

«Қазіргі таңда еліміздің барлық аумағында орналасқан сайлау учаскелері дауыс беруге кірісіп кетті. Атап айтсақ, Ақмола облысында - 808, Ақтөбеде - 521, Алматыда- 883, Атырауда-232, Шығыста - 1079, Жамбыл облысында  - 461, Батыс Қазақстанда - 523, Қарағандыда- 784, Қызылордада - 345, Қостанайда - 847, Маңғыстауда -177, Павлодарда -576, Солтүстік Қзақастанда -709, Оңтүстік Қазақстанда - 1029, Астана қаласында - 254, Алматыда - 513», - деп хабардар етті ОСК-дегі брифингте Б.Мельдешов.  

Жалпы, дауыс беру республиканың барлық 9 741 сайлау учаскесінде өтіп жатыр. 

«Ақпараттарға сәйкес, бүгінгі таңда дауыс беру транспарентті, әділ, ешқандай заңбұзушылықтарсыз ашық, іскерлік жағдайда, тыныш және сайлау заңнамаларының нормаларына сәйкес өтіп жатыр», - деп атап өтті Орталық сайлау комиссиясының хатшысы.

ҚР Орталық сайлау комиссиясының (ОСК) ақпаратынша, сайлауды шетелдің, халықаралық ұйымдар мен шетелдік БАҚ-тың 1000-нан астам байқаушылары бақылауда. 

Камила Амирова




Сонымен қатар:
Яндекс.Метрика