Сайлау-2015

Астанада ҚР Президенттігіне кандидат Нұрсұлтан Назарбаевтың жақтастарының форумы өтті

Астанадағы «Қазақстан» спорт кешенінде Қазақстан Республикасының Президенттігіне кандидат Нұрсұлтан Назарбаевты қолдауға арналған форум өтті.
Астана қаласы24 Сәуір , 19:51

Іс-шараның сайлау науқанын үгіт-насихат кезеңі аяқтады. Нақтырақ айтқанда, Рудный  қаласындағы «ССПО» зауытының жұмысшысы Руслан Есмұхамбетов форумда: «Қазақстанның барлық еңбеккерлері, әсіресе металургтер Нұрсұлтан Назарбаевқа дауыс береді»,- деп мәлімдеді.

«Горняк таңдауы темірдей. Біз Елбасымен бірге шыныққан азаматтармыз, біздің қанымыз шойындай қызып тұр. 2015 жылдың 26-сәуірі күні 20 мың қызуқанды кеншілер Ұлт Көшбасшысы үшін, Елбасы Нұрсұлтан Әбішұлы Назарбаев үшін дауыс беруге келеді»,-деді Р.Есмұхамбетов. 

Қазақстанның этномәдени бірлестіктерінің атынан ҚХА мүшесі тараздық Федор Клименко сөз сөйледі.

«1995 жылы Қазақстан халқы Ассамблеясының бірінші сессиясы өтті, сонда көптеген азаматтар біздің Президентімізге сенген болатын. Елде не нан, не жалақы, не зейнетақы жоқ, ал Н.Назарбаев  осындай Ассамблея құрды. Алайда көптеген жылдар өтті, кешегі сессияда бүкіл әлем Қазақстан үшін бұның нағыз ерлік болғандығын көрді. Сондықтан да ешқандай да күмәнсіз біз бейбітшілік пен келісімге, яғни Н.Назарбаевқа дауыс береміз»,-деді Ф.Клименко.  

Форумда шығармашыл жастар атынан «Астана Опера» театрының әншісі Салтанат Ахметова сөз сөйледі.  

«Біздің әрқайсымыз Қазақстанның болашақта қандай болатынына, балаларымыз Қазақстанды қандай келбетте көретініне жауап береміз. Мықты Қазақстанға мықты басшы керек. Сондықтанда біз 26-сәуір күні барлығымыз дауыс беретін боламыз, өз жүрегіміздің қалауын Нұрсұлтан Назарбаевқа береміз», - деп мәлімдеді С.Ахметова.

Сондай-ақ, форумға екі дүркін Олимпиада чемпионы Илья Ильин қатысты. Ол атап өткендей, Нұрсұлтан Әбішұлы Назарбаев Қазақстанды чемпиондар еліне айналдырды.

«Елбасының арқасында біз 13 олимпиадалық медальды иелендік, Лондон Олимпиадасында 12-ші орынды алдық. Мен чемпионмын және тек чемпион Нұрсұлтан Назарбаевқа дауыс беремін», - деп атап өтті И.Ильин.

Нұрсұлтан Назарбаевқа қолдау көрсетуге арналған бүгінгі форум еліміздің барлық аймақтарында өтті. Оларға онмыңдаған қазақстандықтар қатысты. Олардың барлығы бірауыздан республикамызға мықты басшы – Нұрсұлтан Әбішұлы Назарбаев керек деп мәлімдеді.

 




Яндекс.Метрика