Инфрақұрылымның дамуы

Алматыда 2 балабақша ашылды

Алматыда 2 балабақша ашылды. Әуезов ауданында ашылған балбақшаға Алматы қаласының әкімі Ахметжан Есімов қатысты, деп хабарлайды әкімдік.
Алматы қаласы24 Сәуір , 17:26

Қала әкімі балабақшаның ашылуы жергілікті тұрғындардың мектепке дейінгі білім беру мекемесіне деген қажеттіліктерін толық қамтамасыз етіп отыр. №136 балабақша 3-7 жас аралығындағы 120 баланы қабылдауға дайын. Екіқабатты балабақша ғимараты ығайластырылған жоба бойынша 1 жылға жетпейтін уақытта салынып бітті. Ол 6 топқа есептелген, олардың бірі мектепке дайындық тобы.

«Бұл барлық талаптарға жауап беретін заманға сай, жаңа балабақша. Бұл жерде ойын бөлмелерін қоса алғанда баланың өсіп, дамуына қажеттінің бәрі бар»,-деді А.Есімов.

Хабарламада жыл басынан бері Алматыда 2015 жылға жоспарланған 17 балабақшаның 14-нің ашылғандығы айтылған. Шаһар басшысы бұл бағыттағы жұмыстардың әлі жалғасатындығын жеткізді.  

«Осы бағыттағы жұмыстардың арқасында біз мектепке дейінгі мекемелерге деген зәрулікті төмендетеміз»,-деді А.Есімов.  

Естеріңізге сала кетейік, Алматыда соңғы 6 жылда 40 жаңа балабақша салынып, мектепке дейінгі 7 мекеме коммуналдық меншікке қайтарылды. Бүгінгі таңда мегаполиста 371 мектепке дейінгі мекеме бар, онда 51 мың 772 бала тәрбиеленуде. Балабақшалардың 175-і мемлекеттік, 153-і жеке меншікте, 43 жеке шағын орталық бар.    

 




Яндекс.Метрика