Энерготиімділік

Қазақстанда энергияны үнемдеу техникасын кеңінен тарату көзделуде

Қазақстанда энергияны үнемдеу техникасын кеңінен тарату көзделуде. Бұл туралы ҚР энергетика министрі Владимир Школьник Халықаралық энергетика агенттігіне кірмейтін Шығыс Еуропа, Кавказ бен Орталық Азия елдерінің энергетикалық саясатына жасалған шолудың таныстырылымы барысында айтты.
Астана қаласы24 Сәуір , 13:46

«Біз алдымызға елде нарықтық өзгерістерге шыдамды, қоршаған ортаға қолайлы  әртараптандырылған энергетикалық нарық қалыптастыру мақсатын қойып отырмыз. Әлем жаңғыртылатын энергия көздерін кеңейту бағытында жылжып барады. Бұл БҰҰ  мінберінен біздің Президентіміз тарапынан планетаның энерго-экологиялық болашағы тұжырымдамасында айқын айтылған болатын. Қазақстан онымен айналысуға мәжбүр, бұл мақсатта институционалды, заңнамалық және технологиялық тұрғыда көп жұмыс жасалды», - деп мәлімдеді Энергетика министрі.

В. Школьник атап өткендей, Қазақстанда мемлекеттің қолдауымен энергияны үнемдеу техникасын кеңінен тарату көзделуде.

«Қабылданып жатқан шаралар Қазақстанда зиянды заттардың атмосфараны ластау көлемін азайтады және ұлттық экономиканың бәсекеге қабілеттілігін арттырады», - деп түйді министр.

Естеріңізге сала кетейік, бүгін Астанада Халықаралық энергетика агенттігі Қазақстанның Энергетика министрлігі мен «Kazenergy» компаниясымен өзара түсіністік пен одан әрі де ынтымақтастықта қызмет ету жөніндегі меморандумға қол қойды. Меморандум Қазақстанның энергетикасын тұрақты дамыту мәселесін жүзеге асыруда техникалық ынтымақтастықты арттыруға бағытталған. Нақтырақ айтқанда, ол энергетикалық қаупісіздікті қамтамасыз етіп, жаңғыртылатын энергия көздерін дамытып, тұрақты энергетиканың инновациялық технологияларын жетілдіріп, энергияға деген қолжетімділікті арттырады.  




Дерекнама

Яндекс.Метрика