Қазақстандық үлгі Тәуелсіздігіміздің игілігі

ОСК Я.Жүнісбек, Қ.Маишев, А.Өтепова және А.Асылбекті ҚР Президенттігіне кандидат ретінде тіркеуден бас тартты

Бүгін, 24 наурыз күні Қазақстан Республикасы Орталық сайлау комиссиясының отырысы өтті, деп хабарлады ҚР ОСК.
Астана қаласы24 Наурыз , 21:11

Қазақстан Республикасы Орталық сайлау комиссиясы 24 наурыздағы өзінің отырысында Якобжан Жүнісбековті, Қайрат Әлембайұлы Маишевті, Айгүл Дүйсенқызы Өтепова мен Амантай Хантемірұлы Асылбекті Қазақстан Республикасының Президенттігіне кандидаттар ретінде тіркеуден бас тарту туралы қаулыларын қабылдады.

Бұл шешім аталған кандидаттар лингвистикалық комиссияның отырыстарына келмегендіктен, олардың Конституция мен «Қазақстан Республикасындағы сайлау туралы» Конституциялық заңның кандидаттарға қойылатын талаптарының мемлекеттік тілді еркін меңгергендігін анықтау бөлігінде сәйкестігінің белгіленбеуіне байланысты туындады.

Сондай-ақ Орталық сайлау комиссиясы  Қанат Сабырұлы Есжанов пен Біржан Жетіруұлы Ділмағамбетті олардың мемлекеттік тілді еркін меңгергендігін анықтау рәсімінен өтуден бас тартуларына байланысты Қазақстан Республикасының Президенттігіне кандидат ретінде тіркеуден бас тартты.

Сонымен қатар Ортсайлауком хатшысы Б.С. Мелдешов Мұхамедрахим Қадырбайұлы Құрсабаевтан, Мэлс Хамзаұлы Елеусізов пен Жақсыбай Әбішұлы Бәзілбаевтан өз кандидатураларын алып тастау туралы жазбаша өтініштері түскені туралы комиссияны ақпараттандырды.

 




Яндекс.Метрика