ҚР Тілдерді дамыту және қолданудың мемлекеттік бағдарламасы

Қазақстанда Президенттік сайлауға үміткерлердің мемлекеттік тілді меңгеруін анықтайтын арнайы комиссия құрылды

Бүгін Орталық сайлау комиссиясының кезекті мәжілісінің барысында Қазақстан Республикасы Президенттігіне кандидаттардың мемлекеттік тілді қаншалықты еркін меңгергендігін анықтайтын лингвистикалық комиссия құру туралы шешім қабылданып, олардың құрамы бекітілді.
Астана қаласы27 Ақпан , 16:15

«26 сәуір күні Қазақстанда кезектен тыс Президент сайлауы өтеді. Біздің Конституциямыз бойынша Президент болуға ұмтылып отырған азамат мемлекеттік тілді еркін меңгеруі керек. Осыған байланысты біз 5 адамнан тұратын комиссия құрып отырмыз»,-деді лингвистикалық комиссия төрағасы Мырзатай Жолдасбеков.

Комиссия құрамында педагогика ғылымдарының докторлары, ҚР Ұлттық академиясының  профессорлары мен академиктері, Назарбаев Университеті, Л.Н. Гумилев атындағы Еуразия Ұлттық Университеті сияқты еліміздің жетекші жоғары оқу орындарының кафедра меңгерушілері бар.

Естеріңізге сала кетейік, 2015 жылдың 26-сәуірі күні елімізде ҚР Президентінің кезектен тыс сайлауы өтеді.  

Индира Кауметова




Яндекс.Метрика