Мәдениетті жаңғырту

Ақордада мәдениет және балет өнерінің қазіргі жағдайы мен даму келешегі талқыланды

Елбасы мәдениет және спорт министрі Арыстанбек Мұхамедиұлын және танымал педагог-хореограф, Ресей Федерациясының Халық әртісі Алтынай Асылмұратованы қабылдады, деп хабарлады Ақорданың баспасөз қызметі.
Астана қаласы27 Қаңтар , 17:25

Кездесу барысында отандық мәдениет және балет өнерінің Қазақстандағы қазіргі жағдайы мен даму перспективалары талқыланды.

Нұрсұлтан Назарбаев елдегі мәдениет саласының елеулі рөлін, оны дамыту үшін тиісті инфрақұрылым қалыптастыруды да қоса қамтитын, қажетті жағдайларды жақсартудың маңыздылығын атап өтті.

Мемлекет басшысы сондай-ақ ел ішінде де, сыртта да  мойындалып үлгерген қазақстандық мәдениеттің әлеуеті зор екеніне назар аударды.

А.Асылмұратова өзін қабылдағаны үшін Қазақстан Президентіне алғысын білдіріп, шығармашылық жоспарлары жөнінде және болашақта «Астана Балет» театрымен ынтымақтасуға дайын екендігін айтты. 




Яндекс.Метрика