Инфрақұрылымның дамуы

ШҚО-да 80 орындық жаңа мектеп ашылды

Аягөз ауданы, Бидайық ауылдық округінде Әбеулов атындағы 80 орындық жаңа мектеп пайдалануға берілді, деп хабарлайды ШҚО Ақпараттық орталығы.
Шығыс Қазақстан24 Желтоксан , 17:18

«Мектеп құрылысы мен жабдықтарына облыстық бюджеттен 355 млн. тенге қаражат бөлінген. Аталмыш оқу орнында 60 орындықты Акт залы, асхана, 3 бастауыш сыныбы, 1 мультимедиалық кабинет, информатика, физика, химия, технология кабинеттері барлық қажетті құралдармен толық жабдықталды», - делінген хабарламада.

Мектепте барлығы 124 оқушы тіркеліп, 55 адам (29 мұғалім, 5 тәрбиеші, 21 тех.қызметкер) жұмыспен қамтылды.

Мектептің ашылу салтанатына қатысқан ШҚО әкімінің орынбасары Жақсылық Омар аудандағы өзге мектептер де инженерлік-техникалық сараптамадан өткізіліп, апаттық деп танылған мектептер күрделі жөндеуден өткізілетінін мәлімдеді.

«Елбасының Жолдауының маңдайалды мақсаттарының бірі – халық санының өсіп, демографиялық жағдайдың жақсаруына орай туындайтын мектеп жасындағы балалар мекемелеріндегі орын тапшылығын төмендету. Соңғы жылдары аталмыш бағдарламалар шеңберінде өңірімізде әлеуметтік маңызы зор нысандар бой көтеріп, ел игілігіне жаратылуда», – деді Ж. Омар.

 




Яндекс.Метрика