Адами капитал

Қазақстанда күн сайын мыңнан астам нәресте дүниеге келеді – ДСӘДМ

Қазақстанда күн сайын мыңнан астам нәресте дүниеге келеді, деп мәлімдеді ҚР Денсаулық сақтау және әлеуметтік даму министрлігі Медициналық көмекті ұйымдастыру депатаменті директорының орынбасары Мағрипа Ембергенова.
Астана қаласы30 Қыркүйек , 13:05

«Күн сайын Қазақстанда мыңнан астам нәресте дүниеге келеді. Бір жылда 400 мыңдай бала дүние есігін ашады. Осыған қарап, Қазақстандағы демографиялық ахуалға оң баға беруге болады. Туу көрсеткішімен салыстырсақ, өлім деңгейі азаюда. 10 жылда туу көрсеткіші 25 пайызға артты», - деді М.Ембергенова Орталық коммуникациялар қызметінің брифингінде.

Сонымен қатар, оның айтуынша, қолға алынған шаралар нәтижесінде шала туған балалар құтқарылуда. Бес жыл ішінде салмағы 1500 граммға жетпей дүниеге келген балалардың өмір сүру көрсеткіші 30 пайыздан 60 пайызға артты. Дүниеге келген алғашқы аптада шетінеу көрсеткіші 2,5 азайды.

«Ана өлімі 3 есеге азайды. Ал нәресте өлімі 1,6 есеге төмендеді. 2009 жылы бұл көрсеткіш 100 балаға шаққанда 40 баланы көрсетсе, 2013 жылдың қорытындысы бойынша бұл көрсеткіш 12,6 пайызды құрап отыр. 2008 жылы нәресте өлімі 20,4 пайыз болды, ал бүгін 11,5 пайыз деңгейінде», - дейді.

Камила Амирова




Яндекс.Метрика