Адами капитал

«Дипломмен ауылға» бағдарламасының қатысушыларына 129 мың теңге көлемінде бір жолғы төлем беріледі (Брифинг бейнебаяны)

«Дипломмен ауылға» бағдарламасының қатысушыларына 129 мың теңге көлемінде бір жолғы жәрдемақы төленеді. Бұл туралы бүгін Орталық коммуникациялар қызметінің брифингінде ұлттық экономика вице-министрі Қайырбек Өскенбаев мәлімдеді.
Астана қаласы 26 Қыркүйек, 15:54

«Ауылға келетін жас мамандар толықтай орналасып, үй алуға мүмкіндік таба бермейді. Осыған орай, ауылға келген жас мамандарға бір реттік жәрдемақы ретінде 70 АЕК көлеміндегі 129 мың теңге төлейтін бағдарлама дайындалды», - дейді ол.  

Сонымен қатар, вице-министрдің айтуынша, жас мамандарға 15 жылға дейін 0,1 пайыздық бюджеттік несие беріледі.

«Ең басты мәселе үй салу немесе сатып алу туралы еді. Бүгінде аталмыш мәселе шешімін тауып отыр. 15 жылға 0,1 пайыздық мөлшерлемемен бюджеттік несие берілмек. Бұл шамамен бүгінгі күн бойынша 1,5 мың АЕК, яғни 2 млн 778 мың теңге», - дейді Қ.Өскенбаев.

Индира Қауметова





Яндекс.Метрика