Саламатты Қазақстан мемлекеттік бағдарламасы

Тәжірибелік дайындық үздіксіз медициналық оқытудың басымдығы болып есептеледі – ДСӘДМ

Бүгін Алматыда «Үздіксіз медициналық оқыту – қауіпсіз және сапалы медициналық көмектің кепілі» атты бірінші республикалық конференция өз жұмысын бастады. Оған Ұлыбритания, Финляндия, Корей Республикасы, АҚШ, Түркия, Ресей, Беларусь пен өзге де елдердің үздіксіз кәсіби білім беру саласындағы үздік мамандары қатысуда.
Алматы қаласы25 Қыркүйек , 17:08

Денсаулық сақтау саласының барлық құрамдас жүйелердің өзара тиімділігі жұмыс істеуін белгілейтін маңызды ресурстарының бірі кадр ресурсы болып табылады. Олардың әлеуеті, білімі мен кәсібилігі көп жағдайларда көрсетілетін медициналық көмекке қанағаттану деңгейін анықтайды.

«Бүгінде қазақстандық денсаулық сақтау дамуының оң үрдісі байқалады. Олар демографиялық көрсеткіштерге де әсер етеді. Атап айтар болсақ, халықтың өмір сүру ұзақтығы, жалпы халықтың және ана мен баланың өлім деңгейінің азаюы, сонымен қатар, қан айналымы жүйесінің сырқаттарының азаюынан көрініс табады», - деп хабарлайды ҚР ДСӘДМ.

Сонымен қатар, 2005-2010 және 2011-2015 жылдарға арналған Мемлекеттік денсаулық сақтауды дамыту бағдарламасын іске асыру медицина ұйымдарын заманауи құрылғылармен қамтамасыз етуге, медициналық бағыттағы және дәрі-дәрмектің көптеген түрімен қамтамасыз етуге мүмкіндік береді. Мұның барлығы сапалы медициналық көмек көрсетуге бағытталған.

Министрліктің хабарлауынша, қазіргі таңда мамандарға үздіксіз медициналық білім берудің басым бағыты мамандарды қолдай отырып, құзіреттілік әдісін қолдана отырып модульді оқыту бағдарламаларын құрып, оқуға ынталандыруды дамыту болып табылады.

Осы орайда конференцияда қаралатын мәселелер өте өзекті. Өйткені, құзіретті медицина мамандары республика халқының өмір сүру деңгейін жақсарту мәселесін шеше алады.




Яндекс.Метрика