Саламатты Қазақстан мемлекеттік бағдарламасы

Қазақстан жүрекке ашық ота жасау бойынша әлемдегі алдыңғы қатарлы 22 елдің құрамына кіреді

Қазақстан жүрекке жоғары технологиялық ашық операциялар жасау бойынша әлемдегі алдыңғы қатарлы 22 елдің қатарына кіреді, деп мәлімдеді бүгін Орталық коммуникациялар қызметінің брифингінде ҚР Денсаулық сақтау және әлеуметтік даму министрлігінің Кардиохирургия және ішкі аурулар ғылыми-зерттеу институтының директоры Сәлім Беркінбаев.
Астана қаласы 24 Қыркүйек, 17:30

«Қазақстан жасанды жүрек қарыншасын ауыстырып салу саны жағынан әлемдегі ең алдыңғы қатарлы елдердің арасында. Қазіргі таңда Қазақстанда 124 науқас бар. Сонымен қатар, 7 науқас жүректі трансплантациялау операциясын сәтті өткізді. Олар қазір донорлық жүрекпен өмір сүруде», - дейді ол.

Айта кету керек, 2003 жылы жүрек-қан тамыр аураларынан көз жұму көрсеткіші мың адамға шаққанда 539-ды құраса, 2013 жылы бұл көрсеткіш мың адамға шаққанда 217-ге дейін азайды. Аталмыш жетістік бірінші кезекте Президенттің тапсырмасымен қабылданған 2007-2009 жылдарға арналған «ҚР-да кардиология мен кардиохирургияны дамыту» мемлекеттік бағдарламасының арқасы.

Индира Қауметова

 





Яндекс.Метрика