Қазақстанда технологиялық бизнес-инкубациялау бағдарламасы бойынша 13 стартап компания жұмыс істейді

Қазақстанда технологиялық бизнес-инкубациялау бағдарламасы бойынша нарықта 13 стартап компания жұмыс істейді, деп хабарлады «Астана Innovations» АҚ инновацияға қолдау көрсету департаментінің директоры Саттар Өткелбаев.
Нұр-Сұлтан28 Тамыз , 17:59

«Технологиялық бизнес-инкубациялау бағдарламасы кәсіпорындарға және жастарға өз идеяларын шынайы өмірде жүзеге асыруға мүмкіндік береді», - деді «Астана Innovations» АҚ басқарма төрағасының орынбасары.

«Астана Innovations» АҚ технологиялық бизнес-инкубациялау байқауына 2011 жылдан бастап 133 жоба қатысты, олардың ішінен 16 іріктеліп алынды. Бүгінде сол 16-ның  13-і бойынша нарықта стартап компания жұмыс істеп келеді. Ал, 3 жоба жүзеге асырылу барысында.

Жалпы, бизнес-инкубациялау базасында медицина, косметология, энергияны үнемдеу және өзгеде салалардағы жобалар табысты жүзеге асырылады.

Камила Амирова          

 




Яндекс.Метрика