Дамыған 30 елдің қатарына ену талаптар мен көрсеткіштер

Қазақстанды әлемнің 30 дамыған елінің қатарына қосу Еуразиялық форумның басты тақырыбына айналады – Е.Орынбаев

Ертең елордада басталатын дамушы нарықтардың екінші Еуразиялық форумының басты тақырыбы Қазақстанның әлемнің 30 дамыған елі қатарына енуі болмақ. Бұл туралы бүгін Қазақстанның Орталық коммуникациялар қызметінде өткен брифингте ҚР Премьер-Министрінің орынбасары Ербол Орынбаев мәлім етті.
Астана қаласы09 Қыркүйек , 18:33

Оның атап өтуінше, халықаралық жиынға АҚШ, Еуропа, Азия, Латын Америкасы, Африка және ТМД елдерінен 200-ден астам сарапшы қатысатын болады. Қатысушылар қатарында іс басындағы және экс-саяси қайраткерлер, беделді халықаралық эксперттер, бизнес қоғамдастық өкілдері, Халықаралық валюта қоры, Дүниежүзілік банк, Азия даму банкі, БҰҰ Даму бағдарламасы, Еуропалық комиссия, Еуразиялық экономикалық қоғамдастық, Жапония ынтымақтастық жөніндегі халықаралық агенттігі сынды халықаралық ұйымдардың басшылары бар.

«Біз ағымдағы жүзжылдықтың бірінші жартысындағы жаһандық сын-қатерлерге қарсы тұру тұрғысында Қазақстанның ұзақмерзімді даму әлеуеті мен болашағы турасында ауқымды пікірталас болады деп күтеміз», - деді Е.Орынбаев.

ҚР Премьер-Министрі орынбасарының сөзіне қарағанда, эксперттер ҚР Үкіметі әзірлеген Қазақстанның 2050 жылға дейін әлемнің дамыған 30 елінің қатарына кіруі жобасы мен тұжырымдасын талқыға салатын болады.

«Сонымен қатар форум аясында өңірдегі экономикалық ынтымақтастық, өңірлік сауданы дамыту және инвестиция тарту мәселелері талқыланады», - деді ол.




Яндекс.Метрика